印尼原裝入口，維持95%乾度運送，確保唔會太碎，足乾之後只會輕20-30克左右。
 
重量:500克
保存方法:陰涼乾爽位置
 
【燕碎，同燕盞邊樣好？係咪足乾先？】
 
燕窩可以話係我老朋友，以前係元朗鋪頭做嘅時候，經我手賣唔少。
 
其實燕碎，同燕盞，功效都係一樣，只係口感上嘅分別。
 
食燕窩最緊要夠乾淨、少雜質，
你試想吓，燕碎如果都有大量雜質嘅話，點揀啊？
 
一定揀到你頭暈眼花。
 
呢一款燕碎係經燕窩供應商揀毛嘅時候甩出黎嘅，所以比較乾淨。
 
另外，為咗運送途中唔會壓得更加碎，佢哋會保持95%乾度寄送，
如果係足乾貨，由印尼到香港，分分鐘變成粉...
 
所以95%非常合理。
 
我自己都要咗一盒，返到屋企打開蓋攤兩日，再過磅秤一秤，原來只係輕咗少少，
心諗：呢批貨唔錯。
 
燕窩咁大盒，唔需要慢慢食，燉傑啲煲濃啲，大啖大啖擺入口。